BBC News, Pidgin

Waka go wetin de inside

Plenti seshon

HomeNigeriaAfricaWorldVideoSportEntertainmentMost popular

Read di text messages wey Charlie Kirk suspected killer send im roommate after di shooting

Play video, "Watch: Tyler Robinson appears in court via video link", Duration 0,21

00:21

Wetin we call dis Video,Watch: Tyler Robinson appear for court via video link

Article Information

Author,Brajesh Upadhyay

Role,

17 September 2025, 10:17 WAT

New Informate 17 September 2025, 13:12 WAT

Di man wey chop accuse say e fatally shoot Charlie Kirk don confess to killing di right-wing activist for one message to im roommate, prosecutors don allege, as dem announce seven charges against am.

22-year-old Tyler Robinson, leave one note under one keyboard for im roommate to discover, Utah County Attorney Jeffrey Gray tok. E add say di roommate na di defendant romantic partner.

According to Oga Gray, di note say: "I bin get di opportunity to take out Charlie Kirk, and I go do am."

Di prosecutor also share text messages between di roommates, wey include one wia di defendant allegedly tok say im shoot Kirk bicos im don "get enough of his hatred".

Click here to join BBC Pidgin Whatsapp Channel

Five tins to look out for as Trump visit UK

16th September 2025

Wetin to know as Malawi vote for dia next president

16th September 2025

Wetin dey inside di message

One charging document wey show di alleged text exchange between the suspect and im roommateWia dis foto come from,Reuters

Dis na di full record of series of text messages e exchange wit di alleged gunman on di day of di shooting, wey di roommate submit to investigators.

Robinson: drop wetin you dey do, look under my keyboard.

[Wen di roommate look under di keyboard, one note dey dia wey allegedly read: "I don get di opportunity to take out Charlie Kirk and I go take am."]

Roommate: "What?????????????? You dey joke, right????

Robinson: I still dey ok my love, but I dey stuck for Orem for sometimes. E no go take long, until I reach house, but I need to pick my riffle. To be honest I bin dey hope to keep dis secret till I die of old age. I dey sorry to involve you.

Roommate: No be you do am right????

Robinson: Na me, I dey sorry

Roommate: I tink say dem don catch di pesin?

Robinson: no, dem grab one crazy old dude, dem later interrogate pesin wey wear same cloth like my own. I don plan to grab my rifle from my drop point shortly afta, but dem don shutdown di area. E dey quiet, almost enough to get out, but e get one car wey still dey dia

Roommate: Why?

Robinson: Why I do am?

Roommate: Yeah

Robinson: I don get enough of im hatred. E get some hate wey you no fit just quiet dey look

Play video, "Suspect’s texts include ‘admissions’ helpful to case, Utah official tells the BBC", Duration 1,06

01:06

Wetin we call dis Video,Watch: Suspect texts include "admissions" e dey helpful to di case, Utah official tell BBC

Robinson: If I fit grab my rifle and nobody see me, area clear be dat wit no evidence. I go try retrieve am again, hopefully dem go don comot for dia. I neva see say dem dey find am

Roommate: How long you don dey plan to do dis tin?

Robinson: a bit ova a week I believe. I fit get close to wia di riffle dey, but e get one police car wey dey parked close to wia e dey. I tink say dem don already clear dat spot, but I no wan risk am

Robinson: I wish say I don go back and carry am as soon as I enta my car.... I dey worried, I no know wetin my old man go do if I no bring back grandpa rifle ... I no know if e get serial number, but dem no go trace am to me. I dey worry about prints, I leave am for one bush, wia I change my dress. Time no dey to carry am... I get to leave am and hope say dem no go find prints. how I go take explain give my old man say I don lost di riffle....

Di only tin I drop na di riffle wey I wrap for inside towel...

remember how I bin dey write on di bullets? Di [coded] messages na mostly one big meme, if I see "e notice bulge uwu" on fox new I fit get stroke alright I go leave am, e really [expletive] suck.... judging from today I go say grandpa gun dey work well-well idk.. I tink e buy am for $2k scope;-;

Robinson: delete dis exchange

Robinson: my dad want fotos of di rifle ... e say grandpa wan know who get what, di feds don release foto of di gun

Robinson: since trump enta office [my dad] don turn pretty diehard maga.

Robinson: I go turn myself in willingly, one of my neighbours here na deputy for di sheriff.

Robinson: Na only you I dey worry about love

Roommate: Na me worry about you pass

Robinson: no follow media please. no grant any interview or make any comments.... if any police ask you question ask for lawyer and stay silent.

Wetin be di charges?

Prosecutors allege say di man wey dey face accuse say e fatally shoot Charlie Kirk confess to killing di right-wing activist for one message to im roommate, as dem announce seven charges against am.

22-year-old Tyler Robinson, leave one note under one keyboard for im roommate to discover, Utah County Attorney Jeffrey Gray tok. E add say di roommate na di defendant romantic partner.

According to Oga Gray, di note say: "I bin get di opportunity to take out Charlie Kirk, and I go do am."

Authorities hold di suspect without bail for one special housing unit for di Utah County Jail.

E make im first court appearance on Tuesday, 16 September, e appear remotely as prosecutors read di seven charges against am.

Di charges na:

Aggravated murder

Felony discharge of a firearm

Two counts of obstruction of justice

Two counts of witness tampering

Committing a violent crime wen children dey present

Dem also say dem go seek di death penalty ova di shooting of Kirk, wey one single gunshot wey dem fire from one rooftop kill, as e dey tok for one Utah Valley University on Wednesday.

Dem arrest Robinson last week afta one 33-hour manhunt. Di defendant neva ask for plea or confess to police.

Di prosecutor also tok say di accused dey innocent until proven guilty and e go face trial by jury.

E unveil plenty evidence for one news conference on Tuesday, 16 September, wey include di defendant alleged confession and DNA dem see on di trigger of di rifle wey dem reason say di suspect use for di crime.

DNA on di rifle trigger

Oga Gray say dem see di suspect DNA for di trigger of di rifle wey dem use for di shooting.

E also say di suspect father bin suspect say di weapon match one bolt-action rifle wey once belong to di suspect grandfather.

E bin contact di suspect afta di shooting and ask am to send foto of di rifle, but e no reply, Oga Gray tok.

Di defendant also detail im movements afta di shooting for messages e send give im roommate.

Prosecutors say di defendant also dey charged wit witness tampering, bicos e ask im partner to delete dia messages and stay silent if questioned.

Topics Wey Dem Resemble

America

Another thing we de for inside dis tori

Tyler Robinson di murder suspect of US conservative activist Charlie Kirk mug shot

'We don catch am' - Authorities catch Tyler Robinson, Charlie Kirk murder suspect

12th September 2025

FBI release foto of 'person of interest' in Kirk killing

FBI release fotos of 'person of interest' as manhunt for Trump ally Charlie Kirk killer continue

11th September 2025

Charlie Kirk speaking to an audience

Charlie Kirk die afta dem shoot am for campus event for Utah, President Trump tok

10th September 2025

Top Tori

President Tinubu end state of emergency for Rivers afta six months

17th September 2025

Trump UK visit in fotos as King Charles and senior royals welcome am to Windsor Castle

17th September 2025

Sowore reply, sue DSS, Meta, X over alleged rights violations

17th September 2025

Informate me

Student holding pencil shading exam paper

Breakdown of 2025 Neco SSCE results and how to check am

17th September 2025

Man jumping window of Afriland building

Federal Inland Revenue Service mourn four staff members wey die for Afriland Towers fire outbreak for Lagos

17th September 2025

Nnamdi Kanu in white fendi designers sweater and his brother Prince Emmanuel kanu in a red Igbo traditional shirt and a red cap

Court step down application to transfer Nnamdi Kanu to hospital for medical attention

15th September 2025

Hilda Baci and team dey cook big pot of jollof rice

Hilda Baci complete challenge to make world biggest pot of jollof rice

13th September 2025

FBI release foto of 'person of interest' in Kirk killing

FBI release fotos of 'person of interest' as manhunt for Trump ally Charlie Kirk killer continue

11th September 2025

Ibrahim Traore wearing red beret looking straight

Burkina Faso dump visa fees for all African travellers

12th September 2025

Close-up of one groom dey put wedding ring for bride finger

South African court rule say men fit take dia wife surname

11th September 2025

Large number of pipo wey wear black hoodies, one man put hand on di iron barricade wit head warmer.

Nigerians among US deportees wey Ghana receive - Why Mahama accept Trump deportation agreement?

11th September 2025

Di one wey dem dey read well well

1

Read di text messages wey Charlie Kirk suspected killer send im roommate after di shooting

2

Malawi election results: Vote counting don start afta di September 16 polls

3

Federal Inland Revenue Service mourn four staff members wey die for Afriland Towers fire outbreak for Lagos

4

Breakdown of 2025 Neco SSCE results and how to check am

5

Seven fruits wey contain more vitamin C pass Orange

BBC News, Pidgin

Why you fit trust BBC News

How dem dey take use am

As e concern BBC

Privacy Policy

Cookies

Call BBC

BBC News for oda languages

Do not share or sell my info

© 2025 BBC. De external site no concern BBC. De way wey we de take go external link.

(http://www.autoadmit.com/thread.php?thread_id=5777088&forum_id=2),#49280616)